काठमाडौं । संघीय संसदको पाँचौ अधिवेशन गएरातिबाट अन्त्य भएको छ । गत पुष ४ गते सुरु भएको संसदको पाँचौ अधिवेशनमा जम्मा ५१ वटा बैठक बसेका छन् । जसमा प्रतिनिधिसभा अन्तर्गत २५ र राष्ट्रिय सभा अन्र्तगत २६ वटा बैठक बसेका छन् ।
संसद चलेको यो ९२ दिनको अवधिमा प्रतिनिधि सभामा ६ र राष्ट्रिय सभामा ११ वटा गरी जम्मा १७ वटा विधेयक दर्ता भएका थिए ।
जसमध्ये दुवै सदनबाट पारित भई प्रमाणिकरणयोग्य भएका चार मात्र छन् । संघीय संसदमा विचराधिन विधेयक ३८ वटा रहेका छन् । जसमध्ये प्रतिधिसभाका समितिमा २६ र राष्ट्रिय सभाका समितिमा १२ वटा छन् ।
त्यस्तै विभिन्न सन्देश टेवल हुन पनि प्रतिनिधि र राष्ट्रियसभामा २÷२ वटा गरी ४ वटा बाँकी छन् ।
त्यस्तै संसद चलेको यो अवधिमा राष्ट्रिय सभामा दर्ता भएको अन्तरदेशीय संगठित अपराध विरुद्धको महासन्धी अन्तरगतको पार्लेमो अभिसन्धी दुवै सदनबाट पारित भएको छ ।
त्यसैगरी अन्त्य भएको यो अधिवेसनमा प्रतिनिधि सभातर्फ दुईवटा जरुरी सार्वजनिक महत्वको प्रस्ताव र राष्ट्रियसभातर्फ २ वटा संकल्प प्रस्तावमा छलफल भएको छ ।
त्यसैगरी अधिवेसनमा प्रतिनिधिसभातर्फ प्रश्नोत्तरमा मौखिक प्रश्न १०९ र लिखित २ गरी १११ वटा प्रश्न दर्ता भएकोमा प्रतिनिधिसभामा विभिन्न ५ वटा प्रश्नकै जवाफ सम्बन्धित मन्त्रीले दिएको संसद सचिवालयले जनाएको छ ।
कतिपय प्रश्नको उत्तर प्राप्त भएपनि सदनमा प्रस्तुत गर्र्न बाँकी लिखित उत्तर टेवल भैसकेका छन् ।
अधिवशन सरकारको सिफारिसमा सोमबार रातिबाट अन्त्य भएको हो ।
प्रतिक्रिया दिनुहोस
सम्बन्धित समाचारहरु
संघीय संसदका पाँचवटा समितिको बैठक बस्दैँ
संघीय संसदका पाँच समितिको बैठक बस्दैँ
संघीय संसद्का दुवै सदनको बैठक बस्दै, यस्तो छ कार्यसूची
संघीय संसदका ६ वटा समितिका बैठक बस्दैँ
संघीय संसद्को तेस्रो अधिवेशन सोमबारदेखि सुरु हुने
माघ २२ गते संसद अधिवेशन आह्वान गर्न राष्ट्रपतिलाई सिफारिस गर्ने निर्णय