चितवन । जिल्लामा रहेका विभिन्न सङ्घसंस्थाले भरतपुर अस्पताललाई भिन्नभिन्न सामग्री सहयोग गरेका छन् ।
अविनाश ग्रुप अफ पोल्ट्री इण्डष्ट्रिज र स्काइ लार्क एग्रो प्रालीले आज अस्पताललाई पाँच हजार थान सर्जिकल मास्क हस्तान्तरण गरेको छ ।
कम्पनीका तर्फबाट टीकाराम पोख्रेलले अस्पताल विकास समितिका अध्यक्ष डा भोजराज अधिकारीलाई उक्त परिमाणको मास्क हस्तान्तरण गर्नुभएको हो । कोरोना भाइरसको त्रासका कारण उपचारमा समस्या नहोस् भनेर अस्पताललाई मास्क हस्तान्तरण गरिएको पोख्रेलले जानकारी दिनुभयो । केही दिनमा नै थप मास्क अस्पताललाई उपलब्ध गराउने उहाँले बताउनुभयो ।
आइतबार ती संस्थाले भरतपुर कोरोना विशेष (अस्थायी) अस्पताललाई पाँच हजार थान मास्क प्रदान गरेको थियो । यस्तै आजै जयकाली जडीबुटी उद्योग प्रालीले भरतपुर अस्पताललाई ६०० थान साबुन प्रदान गरेको छ । आफ्नो कम्पनीको सामाजिक उत्तरदायित्व कार्यक्रमअन्तर्गत अस्पताललाई साबुन हस्तान्तरण गरिएको उद्योगका सुवास कुमार तिवारीले जानकारी दिनुभयो ।
तिवारीले अस्पतालका अध्यक्ष र मेडिकल सुपरिटेन्डेन्ट डा श्रीराम तिवारीलाई ती सामान हस्तान्तरण गर्नुभएको हो । चितवन उद्योग सङ्घअन्तर्गतको युवा उद्यमी मञ्चले पञ्जा, सेनिटाइजर र मेडिकल टोपी अस्पताललाई प्रदान गरेको छ । मञ्चका अध्यक्ष अमर घिमिरेले अस्पतालका अध्यक्ष डा अधिकारी र सुपरिटेन्डेन्ट डा तिवारीलाई तीन हजार थान पञ्जा, ३० लिटर सेनिटाइजर र ३०० थान टोपी हस्तान्तरण गर्नुभएको हो ।
उक्त सामग्री ग्रहण गर्दै अस्पतालका अध्यक्ष डा अधिकारीले सङ्कटका बेलामा सबै संस्थाको सहयोगले काममा सहयोग हुने बताउनुभयो । सहयोगप्र्रति आभार प्रकट गर्नुहुँदै उहाँले यसलाई आवश्यकताअनुसार अस्पतालमा खर्च गरिने बताउनुभयो । (रासस)
प्रतिक्रिया दिनुहोस
रासस
सोमबार, २४ चैत्र २०७६, १३ : ११
लेखकबाट थप
सम्बन्धित समाचारहरु
विश्व बैंकले नेपाललाई २०० मिलियन डलर सहयोग गर्ने
नेपाल क्रिकेट संघ क्यानले गर्यो भूकम्प पीडितलाई २० लाख सहयोग
चेपाङ संरक्षण केन्द्रका बालबालिकालाई खाद्यान्न र स्टेशनरी सहयोग
चौरासी पूजाको खर्च कटाएर विद्यालयलाई चार लाख सहयोग
प्रदेश सरकारद्वारा इजरायलमा मारिएका विद्यार्थीका परिवारलाई जनही २ लाख सहयोग
भूकम्प पीडितलाई युनिलिभर नेपालद्वारा एक करोड सहयोग