सिन्धुली । सिन्धुलीमा हात्तीको आक्रमणबाट दुई जना घाइते भएका छन् । दुधौली नगरपालिका–१ गिचियानीमा गए राति हात्तीको आक्रमणबाट अन्दाजी ५० वर्षीय देवु धामी र उहाँकी श्रीमती अन्दाजी ४१ वर्षीय फुलवती धामी घाइते भएका हुन् ।
उहाँहरुलाई उपचारका लागि डकाहामा रहेको आमा मेमोरियल अस्पतालमा एम्बुलेन्समार्फत पठाइएको स्थानीयवासी तीर्थ बरालले जानकारी दिनुभयो । घरमै सुतेको अवस्थामा हात्तीले घर भत्काई उहाँहरुलाई सुँढले तानेर फाल्दा घाइते हुनुभएको हो । देवुको टाउकोमा र फुलवतीको खुट्टामा चोट लागेको छ ।
यस्तै हात्तीले घर पूर्णरूपमा क्षति गरेको उहाँले जानकारी दिनुभयो । विगतमा समूहमा आबद्ध भई हात्तीबाट जोगिन र हात्तीको गतिविधि नियाल्ने गरेको भए पनि यस वर्ष कति हात्ती आए भन्नेसमेत थाहा नभएको उहाँले बताउनुभयो ।
कोरोनाको त्रासका कारण सबै घरमा बस्नुपर्ने र हात्तीको त्रास बढ्दा आफूहरु दोहोरो त्रासमा रहेको उहाँले जानकारी दिनुभयो । (रासस)
प्रतिक्रिया दिनुहोस
रासस
विहीबार, १३ चैत्र २०७६, ०९ : ५३
लेखकबाट थप
सम्बन्धित समाचारहरु
कतारलाई हात्ती उपहार दिने तयारीप्रति बालेनले जनाए असन्तुष्टि
हात्तीको आक्रमणबाट एक महिलाको मृत्यु
हात्तीले दैनिक घर भत्काउँदा चिसोमा रात कटाउन बाध्य
पूर्वी नेपालमा मानव–हात्ती द्वन्द्वका घटनामा वृद्धि
मोरङ्गको सुन्दरहरैचामा हात्ती मृत फेला
हात्ती लघार्न जनप्रतिनिधि र सुरक्षाकर्मीसहितको टोली जङ्गलमा