काठमाडौँ । चीनको बेइजिङ साभन्त बायो टेक्नोलोजीले नेपाललाई दुई हजार थान कोरोना भाइरस जाँच्ने उपकरण (किट्स) निःशुल्क उपलब्ध गराएको छ ।
‘कोरोनाभाइरस एन्टिजिन डिटेक्सन रिएजेन्ट टेष्टिङ किट्स’ बेइजिङबाट कम्पनीले नै ल्हासा पठाएको छ । त्यहाँबाट नेपाली महावाणिज्य दूतावासले चाँडै स्थलमार्गबाट नेपाल ल्याउने प्रबन्ध गर्नेछ । उत्पादक कम्पनीका महाप्रबन्धक वाङ गुओपिङले बुधबार उक्त सामग्री बेइजिङस्थित नेपाली दूतावासमा कार्यबाहक नेपाली राजदूत सुशीलकुमार लम्साललाई हस्तान्तरण गरेका छन् ।
नेपाली दूतावासका अनुसार तीस हजार अमेरिकी डलर (करिब ३६ लाख नेपाली रुपैयाँ) बराबरको किट्स नेपाललाई उक्त कम्पनीले सहयोग गरेको हो । हस्तान्तरण समारोहमा बेइजिङ नगरपालिकाका वाणिज्य ब्युरोका थान छङ्हाइ र बेइजिङ काठमाडौँ अन्तर्राष्ट्रिय आर्थिक तथा व्यापारिक सेवा केन्द्रका निर्देशक लिओ जिआन्ली पनि सहभागी थिए ।
नेपाली दूतावासको प्रयासमा कम्पनीले सहयोग गरेको हो । यसलाई दूतावासले नेपाल चीन मैत्रीको ‘उत्कृष्ट उदाहरण’ भनेको छ । नेपालले चीन सरकारलाई सहयोगको सूची पनि पठाइसकेको छ । सूचीअनुसारका सामग्री आउन भने समय लाग्नेछ । नयाँ पत्रिका दैनिकमा खबर छ ।
प्रतिक्रिया दिनुहोस
पत्रपत्रिकाबाट
विहीबार, १३ चैत्र २०७६, ०८ : १९
लेखकबाट थप
सम्बन्धित समाचारहरु
नेपालबाट निष्काशनमा पर्नेमा सबैभन्दा धेरै चिनियाँ
अन्तर्राष्ट्रिय कल बाइपास गरेको आरोपमा चिनियाँसहित दुई जना प्रहरीको नियन्त्रणमा
चिनियाँ तीन यात्री अन्तरिक्ष प्रस्थान
चिनियाँ सेनाले भारत सीमामा सैनिक संख्या नबढाएको दाबी
चिनमा डुंगा पल्टिदा ३९ बेपत्ता, राष्ट्रपतिद्धारा तिब्र उद्धारमा लाग्न निर्देशन
ताइवान सीमामा चिनियाँ विमान र युद्धपोत खटाइयो