कोरोना भाइरस : विमानस्थलमा सावधानी अपनाउन राष्ट्रवादी शक्तिको आग्रह

काठमाडौं । संयुक्त राष्ट्रवादी शक्तिले विश्वव्यापी रुपमा प्रभाव पार्दै गइरहेको ‘कोभिड–१९’लाई नेपालमा भित्रिन नदिन उचित सावधानी अपनाउन सरकासँग माग गरेको छ । 

शक्तिले आज  विज्ञप्ति जारी गर्दै कोरोना भाइरस भित्रन नदिन त्रिभुवन अन्तरराष्ट्रिय विमानस्थलमा सावधानी अपनाउन तथा सीमा नाकामा कडाइका साथ स्वास्थ्य जाँच गर्न माग गरेको हो । कोरोना फैलन नदिन जनसमुदायलाई सतर्क गराउन विभिन्न कार्यक्रम सञ्चालन गर्नसमेत शक्तिले आग्रह गरेको छ ।

कोरोनाको त्रास देखाउँदै कालोबजारी र तस्करीले प्रश्रय पाइरहेको भन्दै शक्तिले आपूर्ति व्यवस्थालाई सहज बनाउन सरकारको ध्यानाकर्षण गराएको छ ।