पूर्वमन्त्रीले गरे मन्त्रीकै हैसियतमा शिलान्यास

दोलखा । दोलखा भीमेश्वर नगरपालिका वडा नम्बर ९ खरीढुंगाको डाङडुङे डाँडामा निर्माण हुन लागेको अन्तराष्ट्रिय फिल्म नगरीको शिलान्यास पूर्वसञ्चारमन्त्री मोहनबहादुर बस्नेतले गरेका छन् ।

सञ्चारमन्त्री रहेकै अवस्थामा शिलान्यासका लागि खरीढुंगा पुगेका सञ्चारमन्त्री बस्नेत प्रधानमन्त्री शेरबहादुर देउवाले पदबाट राजीनामा दिई एमाले अध्यक्ष केपी शर्मा ओलीलाई राष्ट्रपतिले प्रधानमन्त्रीमा नियुक्त गरेपछि चलचित्र नगरीको शिलान्यास अघि नै पूर्वसञ्चारमन्त्री बनिसकेका थिए ।

तर, उनले मन्त्रीकै हैसियतमा झण्डासहितको मोटरमा आएर नगरीको शिलान्यास गरेको खबर आजको नेपाल समाचारपत्रको 'पेज थ्री'मा छापिएको छ ।

समाचरमा लेखिएको छ, फिल्म नगरीको शिलान्यास गर्दै बस्नेतले नेपालको पहिलो फिल्म नगरीलाई अन्तराष्ट्रिस्तरको बनाउने प्रतिबद्धता व्यक्त गरे ।