सिंचाई बिकास डिभिजन कार्यालयमा कार्यरत प्रमुख इन्जिनियर घुससहित पक्राउ

काठमाडौं । जलस्रोत तथा सिंचाई बिकास डिभिजन कार्यालय, पाटन, बैतडीमा कार्यरत निमित्त कार्यालय प्रमुख इन्जिनियर सुरेश राज भट्ट घुससहित पक्राउ परेका छन् । 

चमेलिया खोला तटबन्ध नियन्त्रण निर्माण योजनाको कामको सम्झौता गर्न आलटाल तथा ढिलासुस्ती गरी घुस मागेको उजुरीको आधारमा अख्तियार दुरुपयोग अनुसन्धान आयोगको कार्यालय, कञ्चनपुरबाट खटिएको टोलीले भट्टलाई पक्राउ गरेको हो । 

उनलाई घुस बापतको रकम १ लाख  र स्रोत नखुलेको थप एक लाख गरी रु २ लाखसहित निजकै कार्यालयबाट पक्राउ गरिएको अख्तियारको भनाइ छ ।