प्रतिनिधिसभाको बैठकमा सहभागी हुन पाएनन् महरा, कारण यस्तो

काठमाडौं । आज १ बजेको प्रतिनिधिसभाको बैठकमा पूर्वसभामुख कृष्णबहादुर महरा सहभागि हुन पाएनन् । संसद सचिवालयको कर्मचारी रोशनी शाहीमाथि बलात्कार र हातपातको प्रयास गरेको आरोप लागेको महरालाई अदालतले बुधबार सफाइ दिएको थियो ।

अदालतले सफाई दिएपछि सासंदको हैसियतमा बैठकमा सहभागी हुन अझै केही दिन लाग्ने भएको छ। महरा बैठकमा सहभागी हुन जिल्ला अदालतको पूर्ण पाठ र सफाइपत्र संसद सचिवालयमा पठाउनु पर्ने हुन्छ । अदालतले पत्र नपठाएसम्म महरा बैठकमा उपस्थित हुन पाएनन् । 

जिल्ला अदालतले सफाइ दिएको र पूर्ण पाठको जानकारी संसद् सचिवालयमा गराएपछि महरा नियमित संसद बैठकमा जानेछन् । उक्त निलम्बन पद खुलाउन अदालतले सफाई पत्र पठाएपछि मात्र उनी बैठकमा सहभागि हुन पाउनेछन् ।