४२ लाख ठग्ने वकील काठमाडौबाट समातिए

काठमाडौँ । राजश्व चुवावट मुद्दामा नख्खु कारागारमा थुनामा रहेका रमेश दाहाललाई छुटाइदिने भन्दै ४२ लाख ठग्ने एक वकीललाई प्रहरीले पक्राउ गरेको छ ।

रमेश दाहालको बुवा तीर्थ राज दाहाललाई प्रलोभनमा पारेर ठगी गर्ने सो रकम ठगी गर्ने धनकुटा स्थायी घर भएका वकील टंक बहादुर राना मगरलाई महानगरीय अपराध महाशाखाको टोलीले शुक्रबार पक्राउ गरेको हो ।

काठमाडौँको बबरमहलबाट पक्राउ परेका उनलाई ठगी कसुरमा अनुसन्धानको लागि महानगरीय प्रहरी परिसर काठमाण्डौ पठाइएको महाशाखाले जनाएको छ ।