चितुवाको आक्रमणबाट ३ दिनमा ८ घाइते

काभ्रे । तीन दिनको अवधिमा पाँचखालमा चितुवाले ८ जनालाई आक्रमण गरेको छ । ३ जनाको अवस्था गम्भीर छ ।  प्रतिकारमा स्थानीयले चितुवा मारेका छन् । 

पाँचखाल–६ का वडाध्यक्ष रामशरण दुलालका अनुसार सो वडाका अर्जुन श्रेष्ठ, कृष्णबहादुर श्रेष्ठ, बैकुण्ठ कायस्थ, लक्ष्मी श्रेष्ठ, भीमकुमारी सत्याल, सरस्वती कायस्थ र कुमार विकलाई चितुवाले आक्रमण गरेको थियो । धुलिखेल–११ का नारायणप्रसाद बडाल पनि चितुवाको आक्रमणमा घाइते भएका छन् ।

दुलालका अनुसार शनिबार बिहान मुख धुँदै गर्दा चितुवाले कायस्थलाई आक्रमण गरेको थियो ।आइतबार स्कुल जाने क्रममा कुमार विक चितुवाको निशानमा परेका थिए । सोमबार अरु ६ जनालाई आक्रमण गरेपछि स्थानीयले प्रतिकार गर्दा चितुवा मरेको थियो ।

मृत चितुवा डिभिजन वन कार्यालय ल्याएको सहायक वन अधिकृत चिरञ्जिवी थापा मगरले जानकारी दिए । कान्तिपुर दैनिकमा खबर छ ।