टर्कीमा शक्तिशाली भूकम्प : १४ जनाको मृत्यु

एजेन्सी

शनिबार, ११ माघ २०७६, ०९ : २१
टर्कीमा शक्तिशाली भूकम्प : १४ जनाको मृत्यु

एजेन्सी । टर्कीमा शक्तिशाली भूकम्प गएको छ । भूकम्पका कारण कम्तीमा १४ जनाको मृत्यु भएको छ भने सयौं घाइते भएको त्यहाँका अधिकारीले बताएका छन् । स्थानीय समयअनुसार शुक्रबार स्थानीय समयअनुसार ८ः८८ मा टर्कीको इलाजिङ प्रान्तको मुख्य सहर सिभ्रीसलाई केन्द्र बनाएर  ६.८ म्याग्नीच्युडको भूकम्प गएको हो ।  

भूकम्पका कारण भवन भत्किँदा मानिस सडकमा आएका छन् । भूकम्पको धक्का  छिमेकी सिरिया, लेबलान र इरानमा पनि महसुस गरिएको थियो । 

टर्कीको विपद् तथा आपतकालिन व्यवस्थापन प्राधिकरणका अनुसार ६० पराकम्पहरु मापन गरिएका  छन् । उद्दारमा ४०० उद्दार टोली खटाइएका छन् । टर्कीको पश्चिम सहर जमितमा सन् १९९९ गएको भूकम्पमा १७ हजार मानिसको मृत्यु भएको थियो ।