नेपालमै पहिलोपटक चितवनमा आयोजना गरिएको विवाह मेला सुरु

चितवन । नेपालमै पहिलोपटक चितवनमा आयोजना गरिएको विवाह मेला (वेडिङ एक्सपो) सुरु भएको छ । दाताज इभेन्ट्सको आयोजनामा नारायणी नदी किनारमा आयोजना गरिएको विवाह मेलाको बिहीबार उद्योग वाणिज्य संघ चितवनका नवनिर्वाचित अध्यक्ष राजु श्रेष्ठले उद्भाटन गर्नु भएको हो ।  

उद्धाटन गर्दे अध्यक्ष सापकोटाले अस्तव्यस्त बजारलाई व्यवस्थित बनाएर लाने, बजार व्यवस्थापनमा सम्बन्धित व्यवसायसँग भएका समस्यालाई छलफल गरेर व्यवसायको प्रवद्र्धन र विकासका लागि पहल गर्ने बताउनु भयो । 

मेलामा विवाह सम्बन्धि आवश्यक सबै सामग्रीहरुको स्टल रहेको छ । ७० वटासम्म स्टल रहको मेलामा २० हजारले अवलोकन गर्ने लक्ष्य राखिएको इभेन्ट्सले जनाएको छ । मेलामा प्रवेशका लागि निःशुल्क व्यवस्था गरिएको छ । मेलाको समापन समारोह विशेष रहने आयोजकले जनाएको छ ।