नेकपाले अग्नि सापकोटालाई बनायो सभामुखको उमेदवार

काठमाडौँ । नेकपाले प्रतिनिधि सभाको सभामुखको उम्मेद्वार अग्नि सापकोटालाई बनाउने भएको छ ।

आज प्रधानमन्त्री केपी शर्मा ओली र नेपाल कम्युनिष्ट पार्टीका अर्का अध्यक्ष पुष्पकमल दाहालबीच भएको छलफलमा सापकोटालाई सभामुखको उम्मेद्वार बनाउने सहमति भएको स्रोतले बताएको छ ।

‘बिहान दुई नेताबीचको छलफलमा सभामुखको उम्मेदवार अग्नि सापकोटालाई बनाउने सहमति भएको हो’, बालुवाटार उच्च स्रोतले भन्यो, ‘आजै बस्ने सचिवालय बैठकले सापकोटाको नाम अनुमोदन गर्दै सभामुखको उम्मेदवारका रुपमा सार्वजनिक गर्ने छ ।’