रौतहटमा पोखरीमा डुबेर एक बालकको मृत्यु

रौतहट । रौतहटको कटहरिया नगरपालिका स्थित पोखरीमा डुबेर एकबालकको मृत्यु भएको छ । कठरिया ५ स्थित रामजानकी मठछेउमा रहेको पोखरीमा डुबेर आज बिहान एकबालकको मृत्यु भएको हो । 

मृत्यु हुनेमा कटहरिआ ५ का तिजिलाल यादवका छोरा १२ वर्षीय फेकु यादव रहेको इलाका प्रहरी कार्यालय गरुडाका डिएसपी ज्ञानकुमार महतोले बताएका छन । लामो समयदेखि छारेरोगबाट ग्रसित बालाक आज बिहान खुला खेतमा सौचपछि पोखरीमा धुन गएका फेकु यादव पानीमा लडेका थिए ।

उपचारको लागि प्राथमिक स्वास्थ केन्द्र कटहरियामा लैजांदा चिकित्सक ले मृत घोषणा गरेको प्रहरीले जनाएको छ । 

मृतकको शव पोष्टमार्टमको लागि जिल्ला अस्पताल गौर लैजाने तयारी भैइरहेको ईलाका प्रहरी कार्यालय कटहरियाले जनाएको छ ।