चितवन । चितवनको नारायणगढ–मुग्लिन सडकखण्डमा काटिएको भित्तामा पहिरो रोक्ने काम जारी छ । यही २२ गतेसम्म दिउँसोमा ११ देखि तीन बजे चार घण्टा काम रोकेर पहिरो रोक्न मजदुरहरु खटाइएको थियो । अहिले उक्त समयमा दुई दिन थपेर काम जारी छ । मजदुरहरु जोखिम मोलेर काममा व्यस्त छन् ।

उनीहरु डोरीमा बाँधेर भिरमा काम गर्दै छन् । कोह चट्टाने भिरमा उप्किएका ढुंगा खसाल्दै छन् भने कोही किला ठोकेर तारजाली लगाउने काममा सकृय छन् । यसलाई रक नेटिंग र बोल्टींग भनिन्छ । यसले पहिरो रोक्न सहयोग गर्छ । 

नारायणगढ मुग्लिन सडक आयोजनाका अनुसार यहाँको विभिन्न आठ ठाउँमा काम जारी छ । गाईघाट, भोर्ले, घुमाउने, भालुढुङ्गा, जलविरे, चार किलो, तोपे खोला र काली खोलामा पहिरो रोक्न मजदूर खटाइएको छ । सबैभन्दा ठूलो पहिरोको जोखिम चार किलो र तोपे खोलामा छ ।

यो पनि
नारायणगढ मुग्लिन सडक : फराकिलो बनाए पनि दुर्घटनामा आएन कमी