ट्रयाक्टर र मोटरसाईकल ठोक्किदा मोटरसाईकल चालकको मृत्यु, एक घाईते

काठमाडौं । ट्रयाक्टर र मोटरसाईकल एकआपसमा ठोक्किदा एकजनाको मृत्यु भएको छ ।  अर्का घाइते भएका छन् । मृत्यु हुनेमा मोटरसाईकल चालक घोराही उपमहानगरपालिका– ८ घर भएका १९ बर्षीय रेशम वलीको उपचारका क्रममा शुक्रबार राति मृत्यु भएको छ ।

मोटरसाईलकलको पछाडि बस्ने घोराही १० का १८ बर्षीय अमृत चौधरी घाइते भएका छन् । घाइते चौधरीको  बाँकेको कोहलपुरस्थित मेडिकल कलेजमा उपचार भइरहेको छ । दुर्घटना लगतै दुबै घाइतेलाई उपचारका लागि लगिएको केही समयमै मोटरसाईकल चालक वलीको मृत्यु भएको प्रहरीले बताएको छ ।

जिल्ला प्रहरी कार्यालय दाङका प्रबक्ता विनोद विक्रम शाहका अनुसार शुक्रवार राति साढे ९ बजेतिर तुलसीपुरवाट नारायणपुरतर्फ जाँदै गरेको रा २ प १९५० नम्वरको मोटरसाईकल र रा १ त १९३८ नम्वरको ट्रयाक्टरको ट्रलिमा ठोक्किएको थियो ।