महेन्द्रनगर । आँखा भनेको मानव शरीरका पाँच ‘सेन्टिभ’ इन्द्रीय मध्ये एक हो । आँखाको उपचारमा डाक्टरले नै लापर्बाही गरे पछि हालत के होला ? कञ्चनपुरमा रहेको एक अस्पतालले आँखा विशेषज्ञ हुँदा हुदै पनि दक्षताहिन व्यक्तिलाई प्रयोग गरेर आँखाको औषधी उपचार गर्ने गरेको एक सुत्रले जनाएको छ ।
महेन्द्रनगरको भीमदत्त नगरपालिका कार्यालय पछाडी रहेको महेन्द्रनगर आँखा अस्पतालल यस्ता क्रियाकलाप गर्दै आएको जन गुनासो बढेको छ । महेन्द्रनगरको सालघारीमा रहेको उक्त आँखा अस्पतालमा अदक्ष कर्मचारीबाट औषधी उपचार तथा परामर्श समेत गरिदै आएको गुनासो व्याप्त बन्दै गएको हो ।
नेपाल नेत्र ज्योती संघ गेटा कैलालीद्वारा सञ्चालित महेन्द्रनगर आँखा अस्पतालले अनविज्ञ तथा अदक्ष कर्मचारीलाई प्रयोग गरेर औषधी उपचार गर्ने गरिएको उपचारार्थ बिरामीले गुनासो गरेका छन् । वि.स. २०४२ साल देखि सञ्चालनमा रहेको नेपाल नेत्र ज्योती संघबाट सञ्चालित महेन्द्रनगर आँखा अस्पताल एक मात्रै होइन, अनेकै समस्याबाट ग्रसित बनेको भीनपा–९ का बिर सिंह गडालले आरोप लगाए ।
बिहान ९ बजे देखि २ बजे सम्म अस्पतालबाट सेवा सुविधा उपलब्ध गराइने भनेर ब्यानर ठड्याएको उक्त अस्पतालले दिनमा ३ घण्टा मात्रै कार्यालयको गेट खोल्ने गरेको गुनासो झलारीबाट आँखा परिणक्षका लागि आएका सन्तोष ऐरले गुनासो गरे ।
उनले भने ‘म बुढी आमालाई लिएर आँखा चेक अपका लागि १२ बजे पुग्दा गेट बन्द गरिएको थियो । फर्किर मेडिकल आमाको उपचार पश्चात सोध्दा त भवनको किनाराबाट भित्र पसेर डाक्टरलाई भेट्न सकिने कुरा मेडिकल सञ्चालकले बताए ।’ अस्पतालको गेट २ बजे बन्द गर्नु पर्ने भए पनि दिनमा मनलागि तरिकाले खोल्ने र बन्द गर्ने कार्य महेन्द्रनगर आँखा अस्पतालले गरि रहेको छ । सेवाग्राहीलाई दिनु पर्ने सेवा तथा उपचार र परामर्श सुरक्षा गार्डको भरमा गरिदै आएको पाइन्छ । कैलालीको गेटा आँखा अस्पतालबाट सञ्चालित यो अस्पतालले स्थानीयलाई झुक्याउने तरिकाले लापर्बाही गरिरहेको सवत्र्र गुनासो छ ।
अदक्ष तथा डाक्टर बिदामा बसेका दिन परिवारका आफन्तलाई हाजिर गर्न लगाएर तिनै आफन्तबाट समेत बिरामीको उपचार गराउने गरेको महेन्द्रनगरमा चस्मा व्यवसाय गर्ने एक जना व्यापारीले गुनासो गरे । ‘मान्छेहरु राम्रा डाक्टर हुन्छन अस्पतालमा भनेर त्यहाँ पुग्छन्, तर आँखा जस्तो सम्वेदनशिल अङ्गमा जो पायो त्यसैले औषधी उपचार गर्दा कतिपयलाई २/३ महिना पछि गम्भिर समस्या समेत देखिएको छ ।’ उनले भने । कैलीलीको गेटा पछिकै ठुलो र एकमात्र आँखा अस्पतालका रुपमा महेन्द्रनगर आँखा अस्पताल रहेको छ । तर सेवाग्राही प्रती अस्पतालले गरिरहेको लज्जास्पद व्यवहारले गर्दा उक्त अस्पतालको गरिमा संकाको घेरामा पर्ने देखिन्छ ।
विभिन्न गुनासो तथा आरोप सत्य नभएको उक्त अस्पतालका नेत्र अधिकृत बिर सिंह धामीले बताए । महेन्द्रनगर आँखा अस्पतालले त्यसरी जनतालाई ठग्ने तथा झुक्याउने कार्य कदापी गर्दै नगरेको जिकिर गरे । ‘हाम्रो अस्पतालमा आएका बिरामीलाई हामी आफै तीन जना बिशेषज्ञ छौ, स्वयं आफै आँखा परिक्षण र औषधी उपचार गर्दै आएका छौ । ति जे जस्ता आरोप छन् । सबै निराधार र कपोकल्पित छन् ।’ अधिकृत धामीले भने ।
यसरी टाढा/टाढाबाट आएका सेवाग्राहीलाई कार्यालयको गेट नै बन्द गरेर दिउसै तर्साउन खोज्नु महेन्द्रनगर आँखा अस्पतालको गैर जिम्मेवारीपना हो । अदक्ष तथा भरपोषणको भरौटे राखेर जनताका आँखा माथि खेलवाड गर्नु हदै सम्मको लाचारित्व र मर्यादित पेशालाई कलंकित पार्ने कायदा भएको स्थानीयको आरोप छ । नेपाल समाचारपत्र दैनिकमा खबर छ ।
प्रतिक्रिया दिनुहोस
पत्रपत्रिकाबाट
शनिबार, २१ मंसिर २०७६, ०६ : ४६
लेखकबाट थप
सम्बन्धित समाचारहरु
आँखा शिविरबाट एक हजारभन्दा बढी लाभान्वित
त्रिपुरेश्वरमा शिशुको आँखाको जटिल शल्यक्रिया सफल
निःशुल्क आँखा शिविरबाट पाँच सय ९० जना लाभान्वित
कर्णाली प्रदेश आँखा स्वास्थ्य रणनीति सार्वजनिक
आँखा पाक्दा लगातार बरफले सेके हुन सक्छ थप समस्या
आँखा पाक्ने समस्याले काठमाडौं उपत्यकाका विद्यालय बन्द