Safal Khabar - काठमाडौँको दानापानी बन्द गरिदिने धम्की दिने महतो बने काठमाडौँको सम्धी
सोमबार, ०६ माघ २०७६ (Monday, 20 January, 2020)
काठमाडौँको दानापानी बन्द गरिदिने धम्की दिने महतो बने काठमाडौँको सम्धी
बिहिबार, १९ मङि्सर २०७६, २१ : ३५
काठमाडौँको दानापानी बन्द गरिदिने धम्की दिने महतो बने काठमाडौँको  सम्धी

काठमाडौँ । राजपा नेता राजेन्द्र महतोले काठमाडौँसँग पारिवारिक नाता गाँसेका छन् । उनको छोराको बिहे काठमाडौँको रैथाने नेवार समूदायसँग भएको हो । 

बिहेमा सहभागी भएका संघीय समाजवादी पार्टीका नेता संघीय परिषद् अध्यक्ष बाबुराम भट्टराईले बिहे अर्थपूर्ण भएको टिप्पणी गरेका छन् । 
‘राजपा नेता राजेन्द्र महतोका सुपुत्र राघवेन्द्र महतोको काठमाडौँकी सुश्री पलिशा तुलाधरका साथ सुसम्पन्न । शुभविवाहमा पहाड र मधेसको संस्कृतिको रोचक फ्यूजन’, भट्टराईले सामाजिक सञ्जालमा लेखेका छन् । 

काठमाडौँ डिल्लीबजारका प्रकाशकाजी तुलाधरकी छोरी पलिशा तुलाधारसँग महतोको छोरा राघवेन्द्र महतोको बिहीबार बिहे भएको हो । काठमाडौंको एक होटलमा मैथिली परम्परा अनुसार भएको बिहेलाई सामाजिक परिवर्तनको क्षेत्रमा महतोले लिएको यो ठूलो कदम मानिएको छ । 
 महतोले भारतको अघोषित नाकाबन्दीको बेला नेपाल–भारत सीमा नाकामा बसेर काठमाडौँको दानापानी बन्द गरिदिने धम्की दिएका थिए ।

Yeti Diistillery
nic asia

प्रतिक्रिया दिनुहोस