नाली खन्ने क्रममा ५ जना पुरिए, १ जनाको शव झिकियो

पोखरा । पोखरा महानगरपालिका २० भलाममा नाली खन्ने क्रममा ५ जना पुरिएका छन् । पुरिएका ५ मध्ये १ जना झिक्दा मृत्यु भएको छ । वडाध्यक्ष सिम गुरुङका अनुसार बाकी ४ जनालाई उद्दार गर्न बाँँकी छ । सडकको रिटर्निङ वाल लगाउन सडक खन्ने क्रममा माथिबाट ढिस्को आएर पुरिएको उनले जानकारी दिए । जिल्ला प्रहरी कार्यालय कास्कीबाट अहिले उद्दारका लागि प्रहरी टोली जाँदै गरेको डिएसपी राजकुमार केसिले जानकारी दिए ।