फर्जी कागज बनाएर १९ बैंकबाट चोरी

बैंकका कर्मचारी र गिरोहको मिलेमतोमा राजधानीमै फर्जी काजगात बनाएर १९ वटा बैंकको रकम चोरी भएको छ । चोरीमा संलग्न आरोपमा अञ्जान बराल, गोविन्द घिमिरे र विभिन्न बैंकका चार कर्मचारीलाई महानगरीय प्रहरी परिसर काठमाडौँले पक्राउ गरेको छ । 
फर्जी कागजका आधारमा खोलिएका खाता र एटीएम कार्डमार्फत जनता बैंक, एनआईसी एशिया बैंक, माछापुच्छ्रे बैंकलगायत १९ वटा बैंकका शाखामार्फत पैसा चोरी भएको हो ।  कुन बैंकबाट कति पैसा चोरी भयो भन्नेबारे अनुसन्धान भइरहेको प्रहरीको भनाइ उदृत गर्दै कान्तिपुरले खबर छापेको छ ।