काठमाडौं । प्रहरीको लागूऔषध नियन्त्रण ब्युरोले त्रिभुवन अन्तर्राष्ट्रिय विमानस्थल हुँदै जापान उड्न लागेका पोर्चुगिज नागरिक टियागो मेन्डेस पेरेइरालाई गत साउन ३ गते पक्राउ गर्यो । उनको साथबाट ४ केजी दुई सय ग्राम प्रिकर्सर केमिकल्स भनेर चिनिने लागूपदार्थ एम्फेटामाइन बरामद भएको थियो । टियागो पक्राउ परेको २७ दिनपछि भारतको नयाँ दिल्लीमा सूचना प्रविधि पढ्दै गरेका अफ्रिकी देश गाम्बियाका अजसी स्टेन अरनुस साउन ३० गते ठमेलको एक होटलबाट पक्राउ परे ।
उनीहरूमाथि अहिले प्रहरीका तीन फरक–फरक निकायले अनुसन्धान गरिरहेको छ । यो मुद्दाको आवरणमा लागुऔषध देखिए पनि मानव तस्करी र पैसाको अवैध कारोबार जोडिएको छ । टियागोले बयानका क्रममा आफूले अजसीबाट एम्फेटामाइन सेवन गर्ने गरेको बताए पछि प्रहरीले उनीबारे थप खोजी सुरु गर्यो ।
एम्फेटामाइन अन्तर्राष्ट्रिय माफिया समूहले अन्तरदेशीय कारोबार गर्दै आएको लागूऔषध हो । धनाढ्य लागूऔषध सेवनकर्ताहरूको रोजाइमा पर्ने यसको मुल्य अन्र्तराष्ट्रिय बजारमा प्रति केजी ५ करोड रुपैयाँभन्दा बढी छ ।
अजसी पक्राउ परेपछि एम्फेटामाइनको अन्तर्राष्ट्रिय कारोबारमा नेपाल कसरी ट्रान्जिट बनिरहेको छ भन्ने गुत्थी सुल्झिने आस प्रहरीले गरेको थियो । तर उनले कहाँबाट यो लागूऔषध पाए भन्ने प्रश्नको उत्तर दिएनन् । बरु अनुसन्धानकै क्रममा प्रहरीले अन्र्तराष्ट्रिय मानव तस्करीको धन्दामा उनको संलग्नता पत्ता लगाएको छ । द्वन्द्वग्रस्त अफ्रिकी मुलुकका नागरिकलाई नेपाल हुँदै अनेकन रुट प्रयोग गरेर युरोप र अमेरिका लैजाने काममा उनी संलग्न रहेको प्रहरीले जनाएको छ । कान्तिपुर दैनिकमा खबर छ ।
प्रतिक्रिया दिनुहोस
पत्रपत्रिकाबाट
आइतबार, ०१ मंसिर २०७६, ०८ : ३०
लेखकबाट थप
सम्बन्धित समाचारहरु
लागूऔषधसहित ६ जना पक्राउ
लागूऔषधसहित १५ जना पक्राउ
लागूऔषधसहित १७ जना पक्राउ
प्रतिबन्धित लागूऔषधसहित दुई जना कलैयाबाट पक्राउ
६ महिनामा ३ हजारभन्दा धेरै लागूऔषध कारोबारी पक्राउ
लागूऔषधसहित एक जना पक्राउ