एटीएम ह्याकिङ प्रकरणमा पक्राउ परेका ६ चिनियाँ र ३ नेपाली जेल चलान

काठमाडौं । एटीएम ह्याकिङ प्रकरणमा पक्राउ परेका ६ चिनियाँ नागरिक र ३ नेपाली पुर्पक्षका लागि जेल चलान भएका छन् । 
जिल्ला अदालत काठमाडौँको आदेशमा उनीहरु जेल चलान भएको महानरीय प्रहरी परिसर काठमाडौँका प्रवक्ता होविन्द्र बोगटीले जानकारी दिए । पक्राउ परेका तीन नेपालीको हकमा धरौटी माग गरेकोमा उनीहरु धरौटी बुझाउन नसकेपछि जेल चलान भएका हुन् । 

अदालतले मनी एक्सेन्जका सञ्चालक देवनाथ लामिछानेसँग तीस लाख धरौटी माग गरेको थियो भने अन्य दुई जनासँग जनही २५ लाख धरौटी माग गरेको थियो । चिनियाँ ह्याकरले बोकेको रकम साटेको आरोपमा उनीहरुलाई प्रहरीले भदौ १६ मा पक्राउ गरेको थियो ।