नारायणगढमा खुल्ला रक्तदान कार्यक्रम हुने

सफल खबर संवाददाता

विहीबार, २६ असार २०७६, १८ : ४३
नारायणगढमा खुल्ला रक्तदान कार्यक्रम हुने

चितवन । नारायणगढमा खुल्ला रक्तदान कार्यक्रम हुने भएको छ । लायन्स क्लव अफ नारायणगढ बालकुमारी, लायन्स क्लव अफ नारायणगढ नारायणी, नारायणी मोटर्स, ग्रेस इन्टरनेशनल र एभरेष्ट बचत तथा ऋण सहकारी संस्थाको संयुक्त आयोजनामा खुल्ला रक्तदान कार्यक्रम हुन लागेको हो ।

यही असार २७ गते शुक्रबार शहिदचोकस्थित बजाज शोरुम अगाडि रक्तदान कार्यक्रम हुन लागेको आयोजक ग्रेस इन्टरनेशनलका नारायणगढ प्रमुख गणेश लामिछानेले जानकारी दिए । उनका अनुसार रक्तदान कार्यक्रम विहान ८ बजेदेखी सुरु भई अपरान्ह ३ बजेसम्म चल्नेछ ।

मेडिकल सिटीको रुपमा परिचित चितवनमा दिन प्रतिदिन रगतको माग बढ्दै गएकाले जसालाई परिपूर्ति गर्नका लागि रक्तदान कार्यक्रम आयोजना गरिएको लामिछानेले बताए । यस रक्तदान कार्यक्रम वर्षेनी आयोजना हुँदै आईरहेको छ । 

प्रतिक्रिया दिनुहोस