एजेन्सी । निर्माता करण जोहरले बलिउडमा डेब्यू गराएका अभिनेत्री आलिया भट्ट थोरै समयमा धेरै हिट फिल्म दिने अभनेत्रीमा पर्छिन् ।
फिल्म स्टुडेन्ट अफ द इयरमार्फत करणले आलियालाई डेब्यू गराएका हुन् । अहिले पनि हरेक फिल्म साइन गर्नु पूर्व आलिया करणको सल्लाह लिने गर्छिन् । यही कुरा बलिउडमा गसिपको विषय बनेको छ । यतिसम्म की उनलाई करणको ‘कठपुतली’ भएको आरोप लाग्ने गरेको छ ।
_20231127105311.gif)
बीबीसीलाई दिएको अन्तर्वार्तामा आलियाले करण आफ्नो गुरु रहेको बताएकी छिन् । उनले भनेकी छिन्, ‘बलिउडमा करणले मलाई पहिलो मौका दिए । म उनलाई निकै इज्जत गर्छु । अन्यले मलाई करणको ‘कठपुतली’ भन्छन् । तर मलाई यसले केही असर गर्दैन ।’
हाइवे, हम्प्टी शर्माकी दुल्हनिया, कपूर एण्ड सन्स, उडता पञ्जाब, बदरीनाथकी दुल्हनिया जस्ता हिट फिल्ममा आलियाले अभिनय गरिसकेकी छिन् ।
आलिया अभिनित मल्टिस्टारर फिल्म 'कलंक' हालै प्रदर्शनमा आएको थियो । - नयाँ पत्रिकाबाट
प्रतिक्रिया दिनुहोस