सशस्त्र प्रहरीद्वारा २० लाख भारतीय रुपैयाँ बरामद

काठमाडौँ । रतुवामाई नगरपालिका-२ स्थित घररुचोक सीमा इलाकाबाट सशस्त्र प्रहरी बलले २० लाख भारतीय रुपैयाँ बरामद गरेको छ । सशस्त्र प्रहरी बल नेपालका अनुसार ५०० दरका ४० बण्डल बराबरको भारतीय रुपियाँ सीमा सुरक्षा गुल्म बरडंगा र वीओपी डोरियाले बरामद गरेको हो ।

भारतबाट नेपालतर्फ मोटरसाइकलमा आउँदै गरेका व्यक्तिहरूलाई शंका लागेपछि जाँच गर्ने क्रममा पछाडि सवार व्यक्तिले बोकेको झोला सोही स्थानमा फालेर फरार भएका थिए ।

बरामद रकम आवश्यक कारबाहीका लागि सम्बन्धित निकायमा बुझाउने प्रक्रिया भइरहेको प्रहरी बलले जनाएको छ ।