स्थानीय तहको बजेट उत्पादनमुखी क्षेत्रमा उन्मुख : माधव सापकोटा

काठमाडौँ । नेपाल कम्युनिस्ट पार्टीका नेता माधव सापकोटाले स्थानीय तहहरू केवल उपभोगमुखी वा अनुत्पादक क्षेत्रमा सीमित नरही उत्पादनमूलक क्षेत्रतर्फ पनि लगानी गर्न थालेको बताएका छन्।

बिहीबार काठमाडौँमा आयोजित एक कार्यक्रममा बोल्दै उनले जुगल गाउँपालिकाले पर्यटन सम्भावना पहिचान गरी ‘जुगल माउन्ट एभरेस्ट भ्यू प्वाइन्ट’ लाई नयाँ गन्तव्यका रूपमा विकासको पहल गरेको उल्लेख गरे। यसले स्थानीय तहको लगानी प्राथमिकतामा सकारात्मक परिवर्तन देखाएको उनको भनाइ थियो।

स्थानीय सरकारका बजेटहरू प्राय: दीर्घकालीन प्रतिफल नदिने क्षेत्रमा खर्च भइरहेको आलोचना भइरहेका बेला जुगल गाउँपालिकाले पर्यटन पूर्वाधार निर्माणमा ध्यान दिएको सन्देशदायी कदम भएको सापकोटाले बताए।