सानेपामा काँग्रेस कार्यसम्पादन समितिको बैठक जारी

काठमाडौँ । नेपाली काँग्रेसको केन्द्रीय कार्यसम्पादन समितिको बैठक पार्टी केन्द्रीय कार्यालय सानेपामा जारी रहेको छ।

बैठकमा संसदीय दलको नेताको निर्वाचन प्रक्रिया, पछिल्लो राजनीतिक अवस्था तथा समसामयिक विषयमा छलफल भइरहेको जनाइएको छ।

सार्वजनिक कार्यतालिका अनुसार दिउँसो ३ बजे उम्मेदवारी दर्ता, ४:४० बजे उम्मेदवारहरूको अन्तिम नामावली प्रकाशन तथा त्यसपछि ५ बजेबाट मतदान सुरु गर्ने तयारी गरिएको छ।

दलको नेताका लागि अर्जुननरसिंह केसी र भीष्मराज आङ्देम्बे प्रमुख प्रतिस्पर्धीका रूपमा हेरिएका छन्। यसबाहेक मोहन आचार्यदेखि निष्कल राईसम्मका नेताहरूको नाम पनि चर्चामा रहेको छ।

प्रतिनिधिसभामा नेपाली काँग्रेसका ३८ सांसद रहेका छन्। संसदीय दलको नेता चयनलाई पार्टीभित्रको भावी रणनीति र संसदीय भूमिकासँग जोडेर हेरिएको छ।