स्वास्थ्य मन्त्री निशा मेहताद्वारा पदभार ग्रहण

काठमाडौँ । नवनियुक्त स्वास्थ्य तथा जनसङ्ख्या एवं खानेपानी मन्त्री निशा मेहताले पदभार ग्रहण गरेकी छिन् ।

राष्ट्रपति भवन शीतल निवासमा आयोजित विशेष समारोहमा पद तथा गोपनीयताको शपथ लिएपश्चात् उनी मन्त्रालयमा पुगेर पद बहाली गरेकी हुन् । उनलाई मन्त्रालयका कर्मचारीहरूले स्वागत गरेका थिए ।

पेसाले नर्स रहेकी उनी रास्वपामा स्थापनाकालदेखि नै आबद्ध छिन् । उनी प्रतिनिधि सभा निर्वाचनमा रास्वपाको मधेसी ‘क्लस्टर’बाट समानुपातिक सांसद चुनिएकी हुन्। सुनसरी इनरुवाकी ३८ वर्षीया मेहताले भारतबाट नर्सिङमा स्नातकोत्तर गरेकी छिन् ।