औषधि उत्पादन विस्तार गरी आत्मनिर्भर बन्न उद्योगलाई स्वास्थ्य मन्त्रीको आग्रह

काठमाडौँ । स्वास्थ्य तथा जनसंख्या मन्त्रालय मन्त्री डा. सुधा गौतमले स्वदेशी औषधि उद्योगलाई उत्पादन विस्तार गर्दै मुलुकलाई औषधिमा आत्मनिर्भर बनाउने दिशामा अघि बढ्न आग्रह गरेकी छन्।

स्वास्थ्य मन्त्रालयको नेतृत्व सम्हालेपछि आयोजित एक कार्यक्रममा बोल्दै उनले नेपालमा औषधि उद्योगको उल्लेखनीय विकास भए पनि अझै धेरै सुधार र विस्तारको आवश्यकता रहेको बताइन्।

यस क्षेत्रको प्रगति सुनिश्चित गर्न सरकारले उद्योगलाई थप सहयोग गर्ने प्रतिबद्धता व्यक्त गर्दै उत्पादन क्षमता वृद्धि गर्न उद्योगीहरूलाई प्रेरित गरिन्।