एमालेले राष्ट्रिय सुनामी चिन्न सकेन: पार्वत गुरुङ

काठमाडौं । नेकपा एमालेका नेता पार्वत गुरुङले अहिले जनताबाट अस्वीकृत भएपनि हिजो लोकप्रियतालाई कायम गर्दै अघि बढ्ने अवसरको रूपमा लिनुपर्ने बताएका छन्। दोलखामा आयोजित पत्रकार सम्मेलनमा बोल्दै यो अवसरलाई फेरि जनताको विश्वास प्राप्त गर्नतिर लाग्नुपर्ने बताए।

उनले भने, ‘नेपाली जनताबाट हामी केही अस्वीकृत भयौँ। जनमतबाट हामी जुन समर्थन प्राप्त थियो, त्यो प्राप्त गर्न सकेनौँ। त्यो गर्न नसकेको कुरोलाई हामीले सहर्ष सम्मान गर्नुपर्छ। यो जनादेशको स्वीकार गर्दै हामीले भावी दिनमा फेरि पनि जनविश्वास प्राप्त गर्न र हिजो त्यो लोकप्रियतालाई कायम गर्न हामीलाई फेरि अवसर हो।’

अहिले कसैलाई आरोप–प्रत्यारोप गरेर, कसैलाई दोष थोपरेर एमाले चोखो हुने, उम्मेदवार चोखो हुने, अरूलाई बेइमान बनाउन नहुने बताए।