निर्वाचन आयोगले गगन थापालाई मान्यता दिने सूचना शुक्रबार दिउँसै देउवालाई थियो

काठमाडौं । नेपाली कांग्रेसको आधिकारिकता विवादमा निर्वाचन आयोगले गगन थापा पक्षधरलाई मान्यता दिँदैछ भन्ने सूचना शुक्रबार दिउँसै शेरवहादुर देउवाले थाहा पाईसकेका थिए । दिउँसो १ बजेतिर उनी आफैले निर्वाचन आयोगमा आफनो स्रोत परिचालन गरेर सूचना लिईसकेका थिए । 

त्यसमाथी उनलाई एमाले अध्यक्ष केपी ओलीले पनि टेलिफोन गरी गगनलाई आयोगले बैधानिकता दिन लागेको सूचना दिएका थिए । ओलीका पालामा नियुक्त भएका पदाधिकारी अहिले पनि निर्वाचन आयोगमा छन् ।

आफ्नै आन्तरिक स्रोत परिचालन गरेर र एमाले अध्यक्ष ओलीबाट समेत आएको सूचनाका आधारमा पार्टी अब गगनको काँधमा पुगेको जानकारी देउवालाई भयो । त्यसपछि उनले आफ्नै पार्टी नेताहरुसँग के सूचना छ भनी ट्याली गर्न खोजे । 

देउवाको सचिवालय स्रोतका अनुसार, त्यसपछि उनले कार्यवाहक सभापति पूर्णवहादुर खड्कालाई फोन गरे । तर देउवाको फोन पूर्णवहादुरले उठाउन पाएनन । उनी त्यसबेला निर्वाचन आयोगमा दलबलसहित पुगेका थिए । 

खड्का निर्वाचन आयोग पुगेको देउवालाई थाहा थियो । उले त्यही निर्वाचन आयोगका पदाधिकारीसँग निरन्तर प्रतिवादमा खड्कालाई उतार्न चाहेका थिए । तर खड्कासँग फोन सम्वाद हुन नसकेपछि देउवा घरमै रन्थनिएर बसेका थिए । 

आयोगबाट फर्केपछि देउवाको फोन खड्काले थाहा पाए । तर त्यसपछि देउवासँग खड्काको कुरा भयो । खड्कासँग देउवाले आधिकारिकता को निर्णय आयोगले कहिले सुनाउँछ ? तपाईहरुसँग के सूचना छ भनी सोधे ? खड्का अलमलिए, देउवाले सोधेको जवाफ उनले दिन सकेनन । त्यसपछि खड्काले रमेश लेखकसँग संवाद गरे ।

खड्काले शुक्रवारै आयोगले निर्णय नदिई शनिबार दिनसक्ने सुनाए । तर देउवालाई शुक्रवार नै आयोगले निर्णय दिन लागेको सूचना थियो । उनले पार्टी परिचालन गरेर आयोगलाई शुक्रबार नै निर्णय दिनबाट रोक्ने रणनीतिमा निर्वाचन आयोगमा दवाव बढाउन पठाउने योजना बनाए । तर यो बेलासम्म ढिलो भईसकेको थियो । 
आयोगले बैठक बसेर आधिकारिकताका बारेमा छलफल चलाईसकेको थियो । त्यसपछि आयोगले गगनलाई आधिकारिकता दिएर जाने निर्णय बहुमतका आधारमा लियो । 

देउवा लगायत देउवा पक्षिय नेताहरुलाई यसपटकको कांग्रेस विभाजनमा पश्चिमाहरुले भूमिका खेलेको लागेको छ । त्यक्तिमात्रै होइन, सुशीला नेतृत्वको सरकारले पनि निर्वाचन आयोगमा दवाव बढाएर भूमिका खेलेको र सञ्चारमाध्यम पनि सबै मिसनमा गगनको पक्षमा लागेको देउवा पक्षको बुझाई थियो । 

आयोगले गगनलाई आधिकारिकता दिए लगत्तै कार्यवाहक सभापति खड्काकै नेतृत्वमा निर्वाचन आयोग अगाडी पुगेर कार्यकर्तालाई आन्दोलनमा उत्रन निर्देशन दिइएको थियो । साँझ सभापति देउवाको निवासमा अवको रणनीतिमा उनीहरुले छलफल गरेका थिए । 

उनले देउवासँग होइन, रमेश लेखकसँग सम्वाद गरे । त्यहा उनीहरुले आजै कार्यसम्पादन समितिको बैठक बसेर देशभर आन्दोलनको कार्यक्रम बनाएर सार्वजनिक गर्ने, तरुण दल, नेविसंघ लगायत भातृसंगठनलाई आन्दोलनमा उतार्ने, गगनको पार्टीमा नजाने र आइतबार अदालतमा रिट बोकेर जाने जस्ता विषयमा करिव कार्यक्रम तय गरेका छन् । उक्त कार्यक्रमलाई अहिले विहान बस्ने केन्द्रीय समिति बैठकले अनुमोदन गर्ने योजना देउवा कांग्रेसको छ ।

यसका अतिरिक्त अदालतले यस विषयमा ठोस डिसिजन नभएसम्म निर्वाचन हुन नदिने रणनीतिमा पनि अब देउवा पक्ष जान लागेको देखिएको छ ।