काठमाडौंमा खुल्यो भगवान कोइरालाको बाल अस्पताल

काठमाडौं । प्रख्यात हृदयरोग विशेषज्ञ डा. भगवान कोइरालाको महत्वाकांक्षी परियोजना अन्तगर्त काठमाडौंमा बाल अस्पताल खुलेको छ । उक्त अस्पताल भगवान कोइरालाले खोलेका हुन् । 

काठमाडौँ बाल स्वास्थ्य संस्थान (KIOCH) ले आइतबारदेखि बहिरंग सेवा सुरु गरेको छ । अस्पताल प्रशासनले आगामी दुई हप्ता भित्र इनपेशेन्ट सेवा सुरु गर्ने काम पनि गरिरहेको बताएको छ । 

‘विशेष बाल रोग सेवा प्रदान गर्ने सपना साकार भएको छ,’ डा कोइरालाले अस्पताल सञ्चालनमा आएपछि भने, ‘हामीले परामर्शदाता बालरोग विशेषज्ञहरूसँग बहिरङ्ग सेवाहरू सुरु गरेका छौं र सकेसम्म चाँडो अन्य सेवाहरू सुरु गर्न काम गरिरहेका छौं ।’

नेपालमा ओपन हार्ट सर्जरीको लागि प्रसिद्ध कार्डियोलोजिक सर्जन डा. कोइरालाले गङ्गालाल राष्ट्रिय हृदय रोग केन्द्र स्थापना गर्न र मनमोहन कार्डियोथोरासिक भास्कुलर र ट्रान्सप्लान्ट सेन्टर स्थापना गर्न महत्वपूर्ण भूमिका खेलेका थिए । 

वर्षौंदेखि, कोइरालाले नेपालका सार्वजनिक अस्पतालहरू र स्वास्थ्य संस्थाहरूलाई हेरचाहको नयाँ स्तरमा पु¥याउन अथक प्रयास गदैं आएका थिए । सरकारी सेवाबाट अवकाश लिएपछि, उनले एउटै छानामुनि बालबालिकाहरूलाई सबै प्रकारका हेरचाह प्रदान गर्न सातै प्रदेशमा व्यापक बालरोग अस्पतालहरू स्थापना गर्न अभियान थाले । 

काठमाडौंको बुढानीलकण्ठ नगरपालिकाको वडा ७ मा उनले यस्तो बाल अस्पताल खोलेका हुन् । यो बाल अस्पतालको केन्द्रीय अस्पताल हुनेछ । हाल अस्पतालमा भित्री सेवाहरूको लागि ५० शैया छन् । अर्काे ६ महिनामा थप ५० सैया थप गरेर १ सय शैया बनाउने र एक वर्षभित्र २ सय सैया पु¥याउने योजना उनको छ । 

बहिरङ्ग सेवाहरूसँगै, अस्पतालले प्रयोगशाला सेवाहरू पनि सुरु गरेको छ । कोइरालाका अनुसार, काठमाडौंमा रहेको केन्द्रीय बाल अस्पताल, कान्ति बाल अस्पताल र धेरै संस्थाहरूमा बाल रोग विभागहरू छन् । उनीहरुले सामान्य बाल रोग समस्याहरूको हेरचाह प्रदान गदै आएको छ । तर बाल रोग विशेषज्ञ शाखाहरू एउटै छातामुनि उपलब्ध छैनन् । 

बिरामी बालबालिकाहरूको लागि व्यापक हेरचाह केन्द्रहरूको अभावका कारण डाक्टरहरू प्रायः बिरामी बालबालिकाहरूलाई एक अस्पतालबाट अर्को अस्पतालमा स्थानान्तरण गर्न बाध्य हुँदै आएका छन्, तर अब सबै उपचार एउटै छानामुनी हुन सक्ने गरी अस्पताल विकास गर्न खोजिएको डा कोइरालाको भनाई छ ।