जेनजी आन्दोलनका शहीद परिवार संगठित भएकोमा एमाले अध्यक्ष ओलीको आपत्ती

काठमाडौं । नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले जनेजी विद्रोहका बेला शहीद भएका परिवारका सदस्यहरु संगठित भएकोमा असन्तुष्टि जनाएका छन् । ओलीले शहीद परिवारलाई संगठित गरेर बाहिरबाट पैसा ल्याउने र छानबिन आयोगका अध्यक्ष सहितका पदाधिकारीले तालिमै दिएर कसैलाई फसाउन रेडिमेट जवाफ दिन लगाउन थालेको गम्भिर आरोप लगाएका छन् ।

कान्तिपुर दैनिकलाई एक अन्तवार्ता दिँदै ओलीले त्यस्तो गम्भिर आरोप लगाएका हुन् । जेनजी विद्रोहका बेला कांग्रेसको साथ र समर्थनमा ओली प्रधानमन्त्री थिए । गत भदौं २३ को जेनजी विद्रोहमा नरसंहार मच्चाएको आक्रोशमा भोलिपल्ट भएको विध्वात्सात्मक घटनापछि ओली प्रधानमन्त्रीबाट राजीनामा दिएर प्रधानमन्त्रीको सरकारी निवास बालुवाटारबाटै सेनाको हेलिकप्टर चढेर भागेका थिए । 

उक्त घटना छानबिन गर्न सरकारले विशेष अदालतका पूर्व मुख्य न्यायाधीस गौरीवहादुर कार्कीको अध्यक्षतामा उच्चस्तरीय जाँचबुझ आयोग बनाएका थिए । उक्त आयोगका पदाधिकारीले समेत शहीद परिवारलाई २७ वटा प्रश्न तयार पारेर त्यसका बारेमा तालिम दिई कसैलाई फसाउने गरी बयान दिन उक्साएको आरोप पनि ओलीको छ । 

ओलीले बाहिरबाट कोही कसैको योजनामा सहीद परिवारलाई संगठित गर्न कार्यालय नै खोलिएको र त्यही कार्यालयमा जाँचबुझ आयोग अध्यक्ष सहितका पदाधिकारी पुगेर तालिम दिएको आरोप लगाएका छन् । 

‘केही दिन अघि एउटा शहीद परिवारहरुको भनेर एउटा कार्यालय खोलिएको छ । सहिदका परिवारहरु त सन्तापमा हुन्छन्, पीडामा हुन्छन् । तर यहाँ शहीदका परिवारका नाउमा कार्यालय खोलियो । बाहिरबाट पैसा आएको छ । सरकारले दिएको भन्दा बाहिर गएर पनि पैसा बाँडिएको छ । बाँकी पैसा उहाँहरुले कार्यालय खोलेर सञ्चालन गरेर बस्नुभएको छ । त्यसलाई संगठित गर्ने कोही छ नी ।’ ओलीले अन्तवार्तामा भनेका छन्, ‘त्यस ठाँउमा अहिले बनाएइएको एउटा बोगस आयोगका अध्यक्ष लगायतका पदाधिकारी त्यो कार्यालय जानुभयो । दुई दिन अगाडी जानुभयो । २७ वटा प्रश्न लिएर त्यहाँ शहीदका परिवार जम्मा गरेर उहाँहरुलाई तालिम दिनुभयो । कुन प्रश्नको जवाफ कसरी दिने ? प्रहरीले नै गोली हानेको हामीले देख्या हो भन्ने बनाउने काम भएको छ । शहीद परिवार मैदानमा थिएनन, उनीहरु त घरघरमा थिए । अभिभावकहरु घरघरमा थिए । उनीहरुलाई यस्तो यस्तो बयान देउ, फलाना फलानाको आदेशमा यो भएको हो, उनीहरुलाई गिरफ्तार गरिपाउ, मुद्दा चलाईपाउ, थुनिपाउ, भनेर भन्न तालिम दिइएको छ । आयोगले तालिम दिन्छ ? बयान गर्नलाई तालिम दियो ।’