भारतले इजरायलसँग आकासमा इन्धन भर्ने ६ वटा विमान किन्ने

काठमाडौं । इजरायलको अग्रणी रक्षा उत्पादन कम्पनी, इजरायल एरोस्पेस इन्डस्ट्रिजले भारतलाई ६ वटा आकासमा इन्धन भर्ने विमान आपूर्ति गर्ने बताइएको छ । 

इजरायल एरोस्पेस इन्डस्ट्रिज र भारत सरकारबीच यसका लागि आठ हजार करोड रुपैयाँको सम्झौता भएको छ । सम्झौता अनुसार यस सम्झौतामा भारत सरकारको आवश्यकता अनुसारको यो विशेष परियोजनाका लागि ३० प्रतिशत ‘मेक इन इन्डिया’ सामान प्रयोग गर्ने तयारी भएको जनाएको छ । 

यद्यपि, कम्पनीका कार्यकारी उपाध्यक्ष येहुदा लाहाभले यी विमानहरू कहाँ तयार पारिनेछन् भन्ने विषयमा टिप्पणी गर्न अस्वीकार गरेका छन् ।

लाहाभले भारत उसको अर्को ग्राहक हुने बताए । उनले भने, “हामी स्थानीय आवश्यकताहरूसँग पूर्णरूपमा जोडिएका छौँ, जसको अर्थ हामी कुनै पनि स्थानीय सामग्री सम्बन्धी दायित्वहरू पूरा गर्न तयार छौँ । इन्धन भर्ने उपकरणको सन्दर्भमा यदि कुनै विशेष आवश्यकताहरू छन् भने हामी शतप्रतिशत उनीहरूसँग जोडिएर काम गर्नेछौँ ।”

पुराना बोइङमा संशोधन
भारतीय रक्षा सूत्रहरूका अनुसार, यदि इजरायली कम्पनी इजरायल एयरक्राफ्ट इन्डस्ट्रिजलाई यो ठेक्का मिलेमा यसले ६ वटा पुराना बोइङ ७६७ व्यापारिक विमानहरूलाई संशोधन गरेर तिनीहरूलाई ट्यांकर विमानमा रूपान्तरण गर्ने र त्यसपछि भारतीय वायु सेनालाई आपूर्ति गर्ने बताएको छ ।

इजरायल एयरक्राफ्ट इन्डस्ट्रिज एक प्रतिस्पर्धात्मक बोलपत्रमा एकमात्र विक्रेताको रूपमा देखा परेको र उसले सम्झौतामा समावेश अफसेटमार्फत करिब ३० प्रतिशत मेड इन इन्डिया सामग्रीको आवश्यकतामा सहमति जनाएको छ ।

इजरायल एयरक्राफ्ट इन्डस्ट्रिज कम्पनीका कार्यकारी उपाध्यक्ष येहुदा लाहाभले भने, “केही वर्ष पहिले सुरु गरिएको बोलपत्रमा रुसी र युरोपेली फर्महरूले पनि भाग लिए पनि इजरायल एयरक्राफ्ट इन्डस्ट्रिज मात्र यो दौडमा बाँकी रह्यो ।” 

यसको मुख्य कारण अन्य कम्पनीहरूले आवश्यकताहरू पूरा नगरेको पाइएको थियो । यसमा पुराना विमानहरूमा ३० प्रतिशत स्वदेशी सामग्रीको आवश्यकता पनि समावेश थियो ।

भारतीय वायु सेनाले ६ वटा रुसी मूलका आईएल–७८ मध्ये आकासमा इन्धन भर्ने विमानहरूको समूह सञ्चालन गरिरहेको छ, जुन भारतको आग्रामा अवस्थित छन् । भारतीय वायु सेना र नौसेनाका सबै प्रकारका लडाकु विमान सञ्चालनलाई सहायता प्रदान गर्छन् । 
 
भारतीय वायुसेनाले पछिल्लो १५ वर्षमा थप ६ वटा उडान इन्धन भर्ने विमान खरिद गर्ने धेरै प्रयासहरू गरे पनि विभिन्न कारणले सफल हुन सकेको थिएन । यसले हालै एउटा ट्यांकर विमानलाई भाडामा लिएको छ ।