खस भाषाको ‘खसिया आखर’ पुस्तक सार्वजनिक भएसँगै कर्णालीमा खुसी

जुम्ला । संस्कृतिविद् रमानन्द आचार्यले खस भाषा शब्दकोषका रूपमा तयार गरेको ‘खसिया आखर’ पुस्तक सार्वजनिक भएसँगै जुम्लासहित माथिल्लो कर्णाली भेगका जनतामा खुसी छाएको छ ।

खस भाषाको उद्गमस्थलका रूपमा परिचित जुम्लासहित कर्णाली क्षेत्रका जनताले ४० हजार शब्दसहितको महत्त्वपूर्ण एवं ऐतिहासिक दस्ताबेजका रूपमा पुस्तक प्रकाशन भएकामा लेखक तथा कर्णाली प्रदेश सरकारलाई धन्यवाद दिएका छन् । कर्णाली प्रदेशको सामाजिक विकास मन्त्रालयको सहयोगमा प्रकाशित उक्त पुस्तकले खस भाषाको संरक्षण र प्रवर्द्धनमा सहयोग पुर्‍याउन पुस्तकका लेखक आचार्यले जानकारी दिए ।

चन्दननाथ नगरपालिका–१ निवासी संस्कृतिविद् रमानन्द आचार्यले पुस्तक तयार गर्नेक्रममा सम्बद्ध पक्ष र क्षेत्रसँग १७ वर्षसम्म भएको छलफल तथा भेटघाटलाई समेत आधार बनाएर प्रकाशन गरिएको पुस्तकले खस भाषाको संरक्षण र सम्वद्र्धनमा सहयोग पुर्‍याउने विश्वास व्यक्त गरे । 

कर्णाली प्रदेशका सामाजिक विकासमन्त्री घनश्याम भण्डारीले खस भाषा शब्दकोषका रूपमा प्रकाशित सो पुस्तक सार्वजनिक गरेका हुन् ।