सिन्धुलीमा मोटरसाइकल दुर्घटना हुँदा २ जना गम्भीर घाइते

सिन्धुली । सिन्धुलीमा मोटरसाइकल दुर्घटना हुँदा दुईजना गम्भीर घाइते भएका छन्।

आज बिहान साढे सात बजेतिर दुधौली नगरपालिका-२  रतनपुरस्थित मदन भण्डारी राजमार्गमा भिमानबाट डकाहातर्फ आउँदै गरेको बा.४५ प ३८०४ नम्बरको मोटरसाइकल दुर्घटनामा परेको  प्रहरी चौकी हत्पतेले जनाएको छ। 

मोटरसाइकलले पैदल यात्री सिन्धुलीको कमलामाई नगरपालिका-१४ चन्दनपुर घर भई हाल माइती घर दुधौली-२ रतनपुर बस्दै आएकी ५० की खप्टर्नी अधिकारीलाई ठक्कर दिएको हो। 

दुर्घटनामा अधिकारीसहित मोटरसाइकल चालक महोतरी बिर्दिबास नगरपालिका-३ गौरीडाँडा घर भएका २५ वर्षीय निर्जल पौडेल पनि गम्भीर घाइते भएका छन्। 

उनीहरु दुबै बोल्न नसक्ने अवस्थामा रहेका र उपचारको लागि बर्दिबासतर्फ पठाइएको प्रहरीले जनाएको छ।