सुर्खेतमा गाडी दुर्घटना, १७ जना घाइते

‎‎सुर्खेत । रत्न राजमार्ग अन्तर्गत सुर्खेतको बिउरेनी नजिकै भएको ईभी गाडी दुर्घटनामा परी १७ जना घाइते भएका छन्। जिल्ला ट्राफिक कार्यालय सुर्खेतका अनुसार, घाइतेमध्ये एक जनाको अवस्था मध्यम रहेको छ भने अन्यको अवस्था सामान्य रहेको छ।

‎‎आइतबार बिहान क.प्र.०२००१ ख ११२९ नम्बरको ईभी गाडी दुर्घटनामा घाइते हुनेहरूमा चालकसहित विभिन्न जिल्लाका यात्रुहरू रहेका छन्।

‎घाइतेमध्ये सुर्खेत बराहताल गाउँपालिका-४ का ३८ वर्षीय चालक हरि मल्लको कम्मरमा चोट लागेको र उनको अवस्था मध्यम रहेको प्रहरीले जनाएको छ।