काठमाडौँ । राष्ट्रकवि माधवप्रसाद घिमिरे पुरस्कार प्राध्यापक घनश्याम कँडेललाई प्रदान गरिएको छ ।
राष्ट्रकवि माधवप्रसाद घिमिरेको १०७ औँ जन्म जयन्तीको अवसर पारेर मर्स्याङ्दी वाङ्मय प्रतिष्ठानले आज राष्ट्रकवि घिमिरे निवास लैनचौरमा आयोजना गरेको कार्यक्रममा उक्त पुरस्कार प्रदान गरिएको हो ।
नगद रु. एक लाख राशिको उक्त पुरस्कार वरिष्ठ समालोचक प्रा. डा. वासुदेव त्रिपाठीले प्राध्यापक कँडेललाई हस्तान्तरण गरे । कार्यक्रममा वरिष्ठ समालोचक प्रा. डा. त्रिपाठीले राष्ट्रकवि घिमिरेको हरेक कवितामा राष्ट्रिय भाव झल्किएको बताए । गद्य कवितालाई गीतमा ढाल्ने कवि घिमिरे भएको उनको भनाइ थियो ।
पुरस्कृत व्यक्तित्व प्राध्यापक कँडेलले राष्ट्रकवि घिमिरे आफ्नो काव्य गुरु भएको बताए । उनले राष्ट्रकवि घिमिरेको हरेक कवितामा प्राकृतिक वस्तु समेटिएको उल्लेख गरे ।
प्रतिक्रिया दिनुहोस
सफल खबर संवाददाता
मंगलबार, ०७ असोज २०८२, २१ : ०९
लेखकबाट थप