सोमबार राजधानीमा जेनजीले प्रदर्शन गर्दै

काठमाडौ । सोमबार ‘जेनजी’ (सन् १९९७–२०१२ भित्र जन्मिएको पुस्ता)ले राजधानीमा विरोध प्रदर्शन गर्ने  भएका छन् । 

सरकारले सामाजिक सञ्जाल निष्क्रिय बनाउने निर्णय गरेपछि ‘जेनजी’ पुस्ता सडकमा ओर्लिन लागेको हो । भ्रष्टाचार अन्त्यसहितका विषयलाई प्रदर्शनको मुख्य नारा बनाइएको छ ।

प्रदर्शनलाई काठमाडौं महानगरपालिकाका प्रमुख मेयर बालेन साहले समेत समर्थन जनाएका छन् । त्यस्तै, व्यवसायी दुर्गा प्रसाईंले पनि सोमबारको प्रदर्शनमा साथ दिने बताइरहेका छन् । तर उनीहरु आफैँ सहभागी भने हुनेछैनन् । 

सरकारले केही दिनअघि मात्रै सामाजिक सञ्जाल निर्देशिका, २०८० अनुरूप सूचीकरण नभएका फेसबूक लगायत सामाजिक सञ्जाललाई निष्क्रिय बनाउने निर्णय गरेको थियो ।

उक्त निर्णयपछि युवाहरूको ठूलो जमातले असन्तुष्टि व्यक्त गरेको छ ।