प्रधानमन्त्री ओली प्रेस मिटमा नबसेपछि परराष्ट्र सचिवले गरे भ्रमणको ब्रिफिङ

काठमाडौँ। प्रधानमन्त्री केपी शर्मा ओली ६ दिन लामो स्पेनको औपचारिक भ्रमण सकेर स्वदेश फर्किएका छन् । 

त्रिभुवन विमानस्थलमा ओर्लिएपश्चात उनी सिधै बालुवाटार प्रस्थान गरेका छन् ।

प्रधानमन्त्रीको प्रतीक्षामा पत्रकारहरू विमानस्थलको प्रेस रुममा बसेका थिए । प्रधानमन्त्री उपस्थित नभएपछि परराष्ट्र सचिव अमृतबहादुर राईले ब्रिफिङ गरे । उनले प्रधानमन्त्रीको तर्फबाट भ्रमणबारे जानकारी गराए ।

प्रधानमन्त्री ओली विकासका लागि वित्त चौथो अन्तर्राष्ट्रिय सम्मेलनमा भाग लिएर फर्किएका हुन् । उनी स्पेनका प्रधानमन्त्री तथा राष्ट्रसंघका महासचिवको निमन्त्रणमा गत असार १४ गते स्पेनतर्फ प्रस्थान गरेका थिए ।