जुवातास खेलिरहेका ११ जना पक्राउ

काठमाडौ । जुवातास खेलिरहेको अवस्थामा काठमाडौँको टोखाबाट प्रहरीले ११ जनालाई पक्राउ गरेको छ। 

आइतबार साँझ टोखा नगरपालिका- १० मा रहेको एक घरमा जुवातास खेलिरहेको अवस्थामा प्रहरी वृत्त महाराजगन्जबाट गएको प्रहरी टोलीले नगद ५० हजार रुपैयाँसहित उनीहरुलाई पक्राउ गरेको हो। 

जिल्ला प्रहरी परिसर काठमाडौँका सूचना अधिकारी अपिलराज बोहोराका अनुसार पक्राउ पर्नेमा तीनजना महिलासमेत छन्। 

उनीहरुमाथि जिल्ला प्रशासन कार्यालय काठमाडौँबाट पाँच दिनको म्याद लिएर थप अनुसन्धान भइरहेको प्रहरीले जनाएको छ।