काठमाडौँ । त्रिशूली नदीमा नुहाउने क्रममा दुई जना बालिका बेपत्ता भएका छन्।
बेलकोटगढी-७ कचौडे भिरस्थित त्रिशुली नदीमा मंगलबार ६ बजे नुहाउने क्रममा बेपत्ता भएको जिल्ला प्रहरी कार्यालय नुवाकोटका सूचना अधिकारी विक्रम लामाले जनाकारी दिए ।
उनका अनुसार नुवाकोटको बेलकोटगढी नगरपालिकाका ११ वर्षीया जेनी डंगोल र ११ वर्षीया सदीक्षा बेपत्ता भएका हुन्।
दिउँसो नुहाउने भनेर निस्केको ती बालिका साँझसम्म घर नफकिएपछि परिवारले खोज्न थालेका हुन् । प्रहरी र सशस्त्र प्रहरीहरू बेलुका १० बजेसम्म खोजी जारी गर्दा पनि नभेटिएपछि सशस्त्र प्रहरी बलको विपद् व्यवस्थापन तालिम प्राप्त सुरक्षा फौज परिचालन भएको र आज पनि बिहानैदेखि खोजी सुरु गर्ने जिल्ला प्रहरी कार्यालय नुवाकोटले जनाएको छ ।
प्रतिक्रिया दिनुहोस
सफल खबर संवाददाता
बुधबार, ३१ बैशाख २०८२, ०७ : ०४
लेखकबाट थप