‘प्रचण्ड’ले कुलमानलाई हटाएर लोकलाई नै लज्जित पारेको भनेपछि समर्थनमा कान्छारामले उठाए हात

काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले सरकारले लोकलाई नै लज्जित पार्ने गरी विद्युत् प्राधिकरणबाट कुलमान घिसिङलाई हटाएको टिप्पणी गरेका छन् । प्रतिनिधि सभाको बैठकमा बोल्दै कुलमानलाई समर्थन गरेको झोँकमा आफ्नै मन्त्रीलाई पनि निष्कासित गरेको बताए ।

‘प्रचण्ड’ले यसो भन्दै गर्दा राज्यमन्त्रीबाट बर्खास्तीमा परेका काँग्रेस सांसद पूर्णबहादुर तामाङ (कान्छाराम) ले हात उठाए । दाहालले भने, ‘बिजुलीको अर्बौँ नतिर्नेहरूलाई खुसी पार्नुभयो । तर, त्यहीँनेर अघिल्लो सरकारले भूमिहीन सुकुमबासीहरूलाई जग्गाको स्वामित्व दिने चिन्ता तपाईँहरूलाई पलाएन । अहिले पनि निकै कञ्जुस्याइँ गरेर नीति कार्यक्रममा गरिनेछ भनेर राख्नुभयो ।’

उनले सरकारले माफियाहरूको पक्षमा कानून बनाएर भूमिसम्बन्धी समस्या समाधान नहुने बताएका छन् ।