श्रम मात्र होइन, श्रमिकको भविष्य पनि सुरक्षित छ : प्रधानमन्त्री

काठमाडौ । प्रधानमन्त्री केपी शर्मा ओलीले श्रम मात्रै नभई श्रमिकको भविष्य पनि सुरक्षित रहेको बताएका छन् ।

अन्तर्राष्ट्रिय श्रमिक दिवसको शुभकामना दिँदै उनले श्रमिकहरूको घरमा परिवर्तन ल्याउन सरकार सफल भइरहेको दाबीसमेत गरेका हुन् । 

'देश अघि बढेको छ श्रमिकको पसिनाले, समाज बाँचेको छ उनीहरूको समर्पणले। श्रमिकहरूको सामाजिक सुरक्षाका लागि केही वर्षअघि जब योगदानमा आधारित सामाजिक सुरक्षा योजना शुरू गर्‍यौँ, व्यङ्ग्य र ट्रोलहरू सहनुपर्‍यो । तर आज, ती नकारात्मक आवाजहरूभन्दा माथि उठ्दै २० लाखभन्दा बढी श्रमिकले यस योजनाबाट भरोसा पाएका छन् । अब श्रम मात्र होइन, श्रमिकको भविष्य पनि सुरक्षित छ,' उनले लेखेका छन् ।

श्रम र श्रमिकलाई सम्मान गर्न उनले आग्रह गरेका छन् । 'छोराछोरीको उज्यालो मुहार, आमाबुबाको निर्धक्क जीवन। श्रमिकको घरमा यिनै परिवर्तन ल्याउन हामी सफल हुँदैछौँ। श्रमलाई सम्मान गरौँ, श्रमिकलाई सम्मान गरौँ। जय श्रमिक, जय देश,' उनले अगाडि लेखेका छन् ।