भीम रावललाई साथ दिने एमाले नेता निष्काशित

काठमाडौँ । भीम रावललाई साथ दिने एमाले सूदूरपश्चिमका एक नेता पार्टीबाट निष्काशित भएका छन् । 
एमाले सुदूरपश्चिम सचिव रण बहादुर चन्दले एक विज्ञप्ति जारी गर्दै  प्रदेश लेखा कमिटी सदस्य बालगिरी कुँवरलाई निष्काशन गरिएको जानकारी दिएका हुन् । 

‘विधानको धारा ८० को उपधारा १ र २ आकर्षित हुने अनुशासन उल्लङघन गरि पार्टीको विरुद्धमा लागी भ्रमपुर्ण समाचारहरु सम्प्रेषण गर्नुभएको ठहर गर्दै कमरेड वालगिरी कुवरलाई पार्टी विधान २०४९ (प्रथम विधान सहाधिवेशन २०७८ को संशोधन सहित) को धारा ८१ को उप धारा (१) बमोजिम प्रदेश लेखा कमिटी सदस्य तथा पार्टी सदस्यताबाट समेत निष्काशन गरिएको छ’, उनको विज्ञप्तिमा भनिएको छ । 

रावलले हाल ‘मातृभूमि जागरण अभियान नेपाल’ पार्टीका लागि अभियान चलाइरहेका छन् । रावललाई साथ दिएको भनेर निष्काशनमा परेका कुँवर पनि अछामकै हुन् ।