भूकम्पपछिको पुनर्निर्माणका लागि ३ जिल्लामा आयोजना कार्यान्वयन इकाई खोल्दैछौँ : गृहमन्त्री लेखक

काठमाडौँ । गृहमन्त्री रमेश लेखकले भूकम्पपछिको पुनर्निर्माणका लागि ३ जिल्लामा आयोजना कार्यान्वयन इकाई खोल्न लागेको बताएका छन् ।

सिंहदरबारमा बसेको विपद् जोखिम न्यूनीकरण तथा व्यवस्थापन कार्यकारी समितिको २९ औं बैठकपछि उनले भने,  ‘जाजरकोट, डोटी र बझाङमा पुनर्निर्माण तथा पुनर्स्थापना आयोजना कार्यान्वयन इकाईको कार्यालय उद्घाटन गर्ने तयारी भइरहेको छ ।

भूकम्पपछिको क्षतिको आकलन, पुर्ननिर्माण र  पुनर्स्थापनालाई सरकारले तीव्र रूपमा अघि बढाएको लेखकले बताए । मन्त्रालयका अनुसार फागुन २३ गते बझाङ, २४ गते अछाम र २५ गते जाजरकोटमा पुनर्निर्माण तथा पुनर्स्थापना आयोजना कार्यान्वयन इकाई को कार्यालय उद्घाटन गरिँदैछ ।

जाजरकोटमा २०८० कार्तिक, बझाङमा २०८० असोज र डोटीमा २०७९ कार्तिकमा केन्द्रबिन्दु भएर भएको भूकम्पले ठुलो क्षति गरेको थियो ।