लाेकतन्त्रकाे विकल्प खाेज्नु मुलुकलाई संकटमा धकेल्ने काम हाे : गृहमन्त्री लेखक

काठमाडौं । गृहमन्त्री रमेश लेखकले लाेकतन्त्रकाे विकल्प नभएको बताउनु भएको छ । शनिबार काठमाडौंमा आयाेजित सुदूरपश्चिम कानुन समाजकाे प्रथम अधिवेशनमा गृहमन्त्री लेखकले लाेकतन्त्रकाे विकल्प लाेकतन्त्र मात्रै हुने बताउनुभयाे ।

"अहिलेकाे संविधानले लाेकतन्त्रलाई सुनिश्चित गरेकाे छ । यसकाे विकल्प खाेज्ने भनेकाे मुलुकलाई संकटमा धकेल्ने काम हाे । त्यसैले सबै ठाउँबाट संविधानमाथि हुने आक्रमणकाे डटेर सामना गर्नुपर्छ ," उहाँले भन्नुभयो । लाेकतन्त्रकाे रक्षा, संविधानकाे सुरक्षा र समावेशिताकाे सुदृढीकरण आजको आवश्यकता भएको गृहमन्त्री लेखकले बताउनुभयाे ।

दश वर्षमा संविधानकाे अभ्यास गर्दा देखिएका सबल र दुर्बल पक्षकाे विश्लेषण गरि संविधान संशोधनकाे तयारी भइरहेको उहाँले बताउनुभयो । संविधान संशोधन गर्दा संसदीय सर्वोच्चताकाे कुरा गर्नुपर्ने गृहमन्त्री लेखकले आवश्यकता औंल्याउनुभयाे । कानुन र नीतिगत सुधार सरकारका प्राथमिकता भएको उहाँको भनाइ छ । राज्यका सबै अंगमा सुदूरपश्चिमकाे उचित प्रतिनिधित्व गराउन आफूहरू लागिपरेकाे उहाँको भनाइ छ ।