सोविता र सुमनाले संसदमा बोल्न नपाएको भनेकोप्रति सभामुखको चासो

काठमाडौं । राष्ट्रिय स्वतन्त्र पार्टी (रास्वपा)का सांसदद्धय सोविता गौतम र सुमना श्रेष्ठले हाउसमा बोल्न नपाएको भनेकोप्रति सभामुख देवराज घिमिरेले कन्सर्नमा लिएको बताएका छन् ।

सभामुखको प्रेस सल्लाहकारमा शेखर अधिकारीका अनुसार सोविताले माघ २७ गते पारित भएको विधायन सम्बन्धमा व्यवस्था गर्न बनेको विधेयकबारे बोल्न माघ २८ गते आकस्मिक समय मागेकी थिइन् । सभामुखले विधेयक पारित भइसकेका आकस्मिक विषय हुन नसक्ने बताएका थिए ।

विधेयक पारित गर्नुअघि नै सभामुखले कानून मन्त्री, उपसभामुख तथा प्रमुख पाँच दलका प्रमुख सचेतकसँग छलफल गरेको र त्यहीँ भएको सहमति अनुसार नै विधेयक अगाडि बढाएको भने पनि गौतमले प्रोसेस बिग्रिएको भन्दै बोल्न समय मागेकी थिइन । तर, सभामुखले सोविताले बोल्न चाहेको विषय आकस्मिक नहुने भन्दै अरु नै विषय भए राख्न सुझाएका थिए ।

सोमबार संसद्मा आकस्मिक समय बोल्न नपाएको बताएकी थिइन । सभामुखका प्रेस सल्लाहकारमा शेखर अधिकारीका अनुसारबैठक सुरुवातको जनाउ घण्टी बस्न सुरु भएपछि सुमना भारतमा नेपाली विद्यार्थी समस्यामा परेको भन्दै समय माग्न पुगेकी थिइन ।

सभामुख आफ्नो च्याम्बरबाट उठेर बैठक कक्षतिर प्रवेश गरेलगत्तै सुमना पुगेकी थिइन ।‘जनाउ घण्टी सुरु भएकाले त्यस विषयमा मैले बुझ्न पाइनँ । तपाईंले अगाडि नै विषय जानकारी गराउनुभएको भए पनि हुन्थ्यो’, सभामुखले भनेका थिए ।

‘उठाउने विषय हो भने (माननीय अशोक चौधरीतर्फ देखाउँदै) उहाँलाई भन्नुहोला, उहाँले राखे पनि हुन्छ । उहाँले समय लिइसक्नुभएको छ । मैले तपाईंको विषय बुझ्न समय भएन । या त भोलि राख्नुहोला’ भनेर निस्किएका थिए ।

रास्वपा प्रमुख सचेतक सन्तोष परियार पनि सँगै थिए ।आकस्मिक विषय उठाउने नै हुँदा उपसभामुखले चेयर गरेको बेला सभामुखलाई विषय बुझाएर राख्न सकिन्थ्यो । त्यो पनि अभ्यास छ । तर, संसदीय प्रक्रियाभन्दा बाहिर गएर, मिडिया, सोसल मिडियाबाट प्रेसर क्रिएट गर्न खोजिएको सभामुखको सचिवालयले जनाएको छ ।

सभामुखले अबका दिन पनि हाम्रा अभ्यास, कानून, नियमावलीको व्यवस्था र दलीय समझदारीलाई हेर्ने उनको सचिवालयले जनाएको छ ।