समितिमा आएका उजुरी केबल सूचना हुन् : गोकुल बास्कोटा

काठमाडौँ ।  नेकपा एमालेका सांसद गोकुल बास्कोटाले लेखा समितिमा उजुरीहरू आउनु स्वाभाविक भएको बताएका छन् । मंगलबार बसेको समितिको बैठकमा उनले भने– 'समितिमा परेका उजुरी केबल सूचना हुन् । तथ्य पत्ता लगाउन समितिले पहल गर्दा राम्रो हुन्छ ।  '

बैठकमा उनले अध्यादेश कसरी अलोकतान्त्रिक हुन्छ ? भन्दै उनले भने– 'अलोकतान्त्रिक हो भने सरकारले अध्यादेश ल्याउन पाउने बुँदा नै झिकेर पाल्दिऊ न । अध्यादेश हिजो पनि आएको छ । अहिले धन्न २० प्रतिशतमा दल फुटाउने अध्यादेश त आएको छैन । '

एउटा दलले अर्कोलाई आरोप लगाउने र टाउको झुकाएर हिँड्नुपर्ने  अवस्था अन्त्य गर्नुपर्नेमा समेत उनले जोड दिए ।