गुडिरहेको बसबाट खस्दा सहचालकको मृत्यु

तनहुँ । तनहुँको म्याग्दे गाउँपालिका-६ छबिसेमा गुडिरहेको बसबाट खस्दा सहचालकको मृत्यु भएको छ।

पोखराबाट नारायणगढतर्फ जाँदै गरेको बा.४ ग ५८०१ नम्बरको बसबाट पृथ्वीराजमार्गमा पर्ने छबिसे पुग्दा सहचालक २६ वर्षीय सन्जीब बोहोरा बसबाट खसेका थिए।

पोखरा महानगरपालिका-२८ घर भएका बोहोराको उपचारको क्रममा आइतबार साँझ मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक अशोक थापाले जानकारी दिए। 

दुर्घटनापछि बसका चालकलाई पक्राउ गरेर घटना अनुसन्धान अघि बढाइएको डीएसपी थापाले बताए।